Situata në ishull grek Rodos paraqitet alarmante për shkak të vatrave të zjarrit, të cilat janë prezentë që prej ditës së martë.
Mediat greke raportojnë se rreth 1000 persona janë vakuar nga zonat përreth dhe janë duke u transferuar në Kalathos.
⚠️ Ενεργοποίηση 1️⃣1️⃣2️⃣
? Αν βρίσκεστε στο #Ασκληπιείο & #Κιοτάρι, εκκενώστε τώρα προς #Γεννάδι
? Δασική πυρκαγιά στην περιοχή σας
‼️ Ακολουθήστε τις οδηγίες των Αρχών
ℹ️ https://t.co/kexUnlnGMV@pyrosvestiki@hellenicpolice
— 112 Greece (@112Greece) July 22, 2023
Departamenti i zjarrfikësve, në një konferencë për shtyp u shpreh se situata është alarmante dhe se zjarri më i vështirë që vendi është përballur ndonjëherë. Ndërkohë në vendngjarje janë duke punuar 173 zjarrfikës, 10 grupe të njësive këmbësore, 35 automjete, 5 helikopterë dhe 3 avionë, për shuarjen e flakëve.
Gjithashtu, sipas informacioneve të “Rodiaka”, zjarri ka mbërritur edhe në ambientet e tre njësive hoteliere, në zonën e Kiotarit. Të tre hotelet janë evakuuar nga turistët dhe po bëhen përpjekje nga zjarrfikësja, vullnetarët dhe stafi për të minimizuar dëmet.
(BalkanWeb)
