TIRANE– Autoriteti Rrugor Shqiptar bën me dije se sot do të bllokohet sërish autostrada Tiranë-Durrës, pasi do të realizohet faza e katërt e punimeve.
Mësohet se sot do të bllokohet qarkullimi në autostradë për ndërhyrjen në riparimin e segmentit Shkozet–Durrës nga ora 06:00 deri në orën 22:00.
“Devijimi i trafikut do të fillojë në orën 06:00 deri në 22:00 të ditës së hënë datë 25/06/2018. Trafiku në drejtim Tiranë-Durrës do të devijohet në mbikalimin e Shkozetit në drejtim të rrugës së unazës së Shkozetit dhe të ndjekin Shkozet-Durrës (zona Kënetës) ose unazën e Shkozetit”, njofton ARRSH.
Pas përfundimit të ndërhyrjes në segmentin Shkozet–Durrës do të fillojë ndërhyrja në drejtimin Durrës–Tiranë, për të cilat ARRSH dhe policia e Qarkullimit Rrugor do të përditësojnë gjatë ditës së sotme skemat e lëvizjes dhe informojnë opinionin publik.
(BalkanWeb)
