“Unë i kam thënë ambasadores të Malit të Zi në Këshillin e Evropës që të votojë për pranimin e Kosovës në atë organizatë”, tha kryeministri në detyrë i Malit të Zi, Dritan Abazoviç në seancën e thirrur nga Komisioni Parlamentar për Marrëdhënie ndërkombëtare dhe diasporë.

Ai tha se në politikën e jashtme të Malit të Zi nuk ka ndryshuar asgjë dhe se shteti ka ndjekur një politikë të përgjegjshme dhe konsekuente.

“Mali i Zi votoi së bashku me 33 vende të tjera”, tha më tej Abazoviç. Të hënën e 24 prillit, kërkesa e Kosovës për anëtarësim në KiE, shkoi në fazën e dytë. Në Komiteti e Ministrave të Këshillit të Evropës, vendi siguroi 33 vota pro nga 46 sa votuan.