Gjykata e Apelit të Juridiksionit të Përgjithshëm ka dënuar me burgim të përjetshëm Kristian Cenajn, i akuzuar për vrasjen e Mariglen Gjonajt, një 16-vjeçar që u zhduk në vitin 2017.

Sipas vendimit gjyqësor, Cenaj u shpall fajtor për “vjedhje me pasojë vdekjen”, pasi vrau adoleshentin pas një grabitje për një orë Rolex.

Trupi i pajetë i Gjonajt u gjet i groposur në zonën e Fushë Kuqes, shtatë vite pas zhdukjes së tij.

Vrasja tragjike e Mariglen Gjonajt është trajtuar gjerësisht edhe nga emisioni “Me zemër të hapur” me autore Evis Ahmetin, në News24.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb