Kina ka konfirmuar se balona e cila u shfaq në qiejt e Amerikës dhe se dyshohej se përdorej për spiunazh, është një “avion civil” kinez që ka devijuar nga rruga. Pas akuzave të SHBA se Kina kishte lëshuar balonën përgjues, kjo e fundit thotë se ajo përdoret për qëllime meteorologjike.
Objekti fluturoi mbi Ishujt Aleutian të Alaskës dhe përmes Kanadasë përpara se të shfaqej mbi qytetin Billings në Montana të mërkurën, thanë zyrtarët amerikanë. Montana është shtëpia e disa prej kapanoneve të raketave bërthamore të SHBA-së.
Shtetet e Bashkuara vendosën të mos e rrëzonin balonën për shkak të rrezikut të shkaktuar nga rënia e mbeturinave dhe përdorimit të kufizuar të çdo inteligjence që pajisja mund të mblidhte, tha zyrtari i mbrojtjes amerikane. Megjithatë, qeveria përgatiti avionë luftarakë në rast se objekti duhej të rrëzohej.Deklarata kineze tha se balona ishte hedhur jashtë rrjedhës nga erëra të papritura.
“Pala kineze shpreh keqardhje për hyrjen e paqëllimshme të anijes ajrore në hapësirën ajrore të SHBA-së për shkak të forcës madhore”, thuhet në deklaratën e Kinës.
Si pasojë e ngjarjes, Sekretari amerikan i Shtetit ka vendosur ta shtyjë vizitën në Kinë, që ishte parashikuar të zhvillohej në datat 5 dhe 6 shkurt.
Zoti Blinken nuk donte që kjo çështje të dominonte takimet e tij me zyrtarët kinezë, raportojnë më tej media amerikane.
(BalkanWeb)
