Luis Van Gaal ka nisur një betejë të gjatë me jetën, betejën më të rëndësishme, për të mposhtur kancerin e prostatës.
Tekniku i famshëm holandez ka vendosur që të mos qëndrojë gjatë në krye të tulipanëve, Botërori i Katar do të jetë i fundit për të.
Me anë të një komunikimi për mediat, Federata Holandeze e Futbollit, ka njoftuar se Van Gaal do të tërhiqet pas Botërorit. Nga 1 janari i vitit 2023 drejtimin e përfaqësueses holandeze do ta marr Ronald Koeman.
Për ish trajnerin e Barcelonës ky është një rikthim në krye të përfaqësueses pasi i ka drejtuar dhe më herët nga viti 2018-2020.