Një nga dy klubet e qytetit të Genoa-s, Sampdoria, i ka kërkuar zyrtarëve të “Seria A” që të shtyjnë ndeshjen kundër Fiorentinës për shkak të tragjedisë e cila ndodhi dje në këtë qytet.
Kujtojmë se si pasojë e shembjes së urës Morandi në autostradë humbën jetën 39 persona.
Sampdoria e cila do të presë të dielën Fiorentinën për ndeshjen e parë të sezonit të ri në “Seria A”, duket e trishtuar për këtë fatkeqësi. Në një postim në rrjetet sociale shihen lojtarët e këtij klubi që mbajnë heshtje në stërvitje për viktimat.
? Raccoglimento al “Mugnaini” per #Genova e per le vittime del crollo di #ponteMorandi ➡️ https://t.co/9LWFEs9nBx pic.twitter.com/X3gMtrgHNi
— U.C. Sampdoria (@sampdoria) August 14, 2018
Si pasojë klubi vijon të jetë në pritje të një përgjigjje nga zyrtarët e ligës.
Këtë javë në “Seria A” të gjithë ekipet do të mbajnë një shirit të zi në krahë, ndërsa para çdo ndeshje do të ketë 1 minutë heshtje.
(BalkanWeb)