TIRANE- Saimir Tahiri bën një tjetër deklaratë të fortë dhe pranon indirekt që ka persona që mund të kenë komplotuar kundër tij.
Ndërsa Fevziu i përmendte emra të rëndësishëm si Rama, Xhafaj e Llalla, Tahiri nuk pranoi t’i përgjigjej. Ai tha se do vinte dita që të merrej me ata, por s’tha kurrë kush ishin.
Fevziu: Kush po tenton t’ju çojë në burg?
Tahiri: Mua me intereson të dalë e vërteta.
Fevziu: Kush po e bën komplotin ndaj jush?
Tahiri: Nuk më interesojnë fare.
Fevziu: Keni dijeni që kërkohet arrestimi i Çakos nga italianët?
Tahiri: Nuk kam dijeni..
Fevziu: A ka njerëz që po tentojnë t’ju nxjerrin nga politika vetëm njerëz të fuqishëm mund ta bëjnë këtë?
Tahiri: Unë do sakrifikoja vetëm për qetësinë e familjes sime, s’më interson kjo loja kukafshehtasi, por të jesh i bindur që do vijë dita ime të merrem edhe me ta.
(m.a/BalkanWeb)