Mediat në Angli raportojnë se skuadra kampione e “Premier League”, Chelsea, ka arritur marrëveshjen me Arsenal për yllin e skuadrës së “topçinjve” Alex Oxlade-Chamberlain.
Reporteri i “Sky Sports”, Kaveh Solhekol ka njoftuar se Arsenal ka mbyllur tratativat me Chelsea për shitjen e ish-lojtarit të akademisë së Southhampton Chamberlain mbi bazën e 35 mln stërlinave.
BREAKING: @ChelseaFC agree fee with @Arsenal for Alex Oxlade-Chamberlain, according to Sky sources #SSN pic.twitter.com/1D6ayeIluV
— Sky Sports News (@SkySportsNews) August 28, 2017
Chamberlain, që ishte startues me Arsenal nga minuta e parë në ndeshjen e humbur thellë 4-0 kundër Liverpulit, është bashkuar sot me skuadrën kombëtare të Anglisë për dy sfidat e radhës për Kupën e Botës kundër Maltës dhe Sllovakisë.
Nga “Sky Sport” konfirmohet se grumbullimi me kombëtaren nuk do të përbëjë aspak problem për lojtarin t’ju nënshtruar vizitave mjekësore pasi Chelsea i zhvillon ato në “St George’s Park”, shumë pranë vendit ku stërviten “Tre Luanët”.
(e.k/BalkanWeb)