PRISHTINE- I ashpër ka qenë reagimi i kryetarit të Lidhjes Demokratike të Kosovës, Isa Mustafa.

Në një postim në faqen e tij të ‘Facebook’-ut Mustafa pohon se frikësohet nga fakti që shumë prej anëtarëve të koalicionit të PAN do t’i kenë zyrat në qelitë e burgjeve sesa në Parlament.

Postimi i plotë i Mustafës:
“Sot, asnjë votë e LDK-së dhe Alternativës nuk i shkoi Koalicionit të PDK-së. Ne dëshmuam zotimin tonë se nuk bëhemi me ata që rrënuan qeverisjen me shumicë shqiptare, për ta shndërruar Kosovën në varësi nga votat që dirigjohen nga Serbia.

Koalicioni i PDK-së nuk e mori edhe votën e shumëpritur të deputetes Rugova. Vota e saj i takon partisë së Ibrahim Rugovës. Jo atyre që punojnë me logjikë të SHIK-ut, tregtarëve, pazargjijve e tabutgjijve.
Në qoftë se qeverisin me logjikën si i kanë konstruktuar koalicionet, frikësohem se më shumë nga koalicionistët e PAN-it ta do të kenë zyret në qelitë e burgjeve të Kosovës, sesa në Parlament dhe në Qeveri. Disa nuk e kanë marrë vesh se kohët kanë ndryshuar. IM”.
(ed.me/BalkanWeb)