Menu Krye Të Fundit | Shqipëria |

Ndarja nga jeta e aktores, flet bashkëshorti: Nuk u kujtua askush për të, ja porositë e fundit që më la

Hajrie Rondo

Nga Fatmira NIKOLLI
“Po të lë amanet fëmijët. Ki kujdes për ta!”. Këto kanë qenë fjalët e fundit që aktorja e mirënjohur Hajrie Rondos i ka thënë të shoqit para se të ndahej nga jeta në moshën 66-vjeçare.
Rondo, u shua në Himarë, në shtëpi, ndërsa pranë vetes kishte të bijën, Klean dhe të shoqin, Kiço.

I prekur dhe i dobët, ai tha për “GSH” se “Ishte e ndërgjegjshme deri në çastet e fundit. Madje në mëngjes, rreth orës 9 më la disa porosi. Mu duk se e ndjeu. Tha që t’i kem kujdes fëmijët, ta nderojmë”.

Aktorja prej muajsh vuante nga një sëmundje e rëndë, madje dy muaj më parë ajo i ishte nënshtruar një ndërhyrjeje të vështirë.

“Nuk u kujdes askush për të. E harruan të gjithë. E harroi edhe politika. Pati një ndërhyrje kirurgjike të vështirë kohët e fundit. Kush u kujtua për të? Askush!”, tha Kiço Rondo për “GSH”, mes trishtimit dhe pafuqisë.

Kanë jetuar një jetë së bashku. Ai ka qenë pranë saj në ditët më të suksesshme të bashkëshortes, kur imazhi në skenë e ekran ngrihej bashkë me rolet ku shkëlqente, duke sjellë dritë në jetën e spektatorëve dhe shikuesve. Ishin bashkë deri në çastin e mbramë, kur frymëmarrjet e Hajries, u ndalësuan.

Shkrimin e plotë e gjeni sot në Gsh.al në linkun http://www.gsh.al/2017/09/10/shuhet-hajrie-rondo-bashkeshorti-nuk-u-kujtua-askush-per-te-ja-porosite-e-fundit-qe-me-la/


Komente ( 12 )

  • eda

    Per ” Dorin” . Eshte e vertete qe semundja e saj nuk do te ndryshonte po te kujtohej politika per te, por do ndryshonte gjendja per familjen e saj, per te cilet mund te ishte lehtesuar barra financiare. Ajo i ka dhene skenes shqiptare. Dhe sigurisht do ndihej me e nderuar ajo dhe familja e saj sikur dikush te ishte kujtuar per te. Ngushellime familjes.

    • OK Elda, ke shume te drejte. Ekam kapur problemin nga pikpamja onkologjike, por nga ana e respektit duhet te ishe bere me shume, se Zonja ne fjale e meriton. Jam shprehur gabim.

  • Ngushellime familjes,
    Me problemin sezioz shendetesor te Zonjes, asnje ndihme nga politika nuk do kishte nderruar rezultatin. Nese Zonja do ishte derguar per mjekim jashte shtetit (p.sh Itali) mund ti ishte shtuar jeta pak jave por asgje nuk do kishte ndryshuar ne thelb. Tumoret per fat te keq nuk mbahen nen kontroll as nga onkologet me te mire ne bote. Te rrije i qete bashkeshorti se fati i saj nuk do kishte ndryshuar me nderyrjen e politikes….

  • Ngushellime per familjen,nje aktore dhe njeri I mire

  • u kujtuan per nje deputet te krimbur me leke qe ishte semure para disa kohesh. I dhane dhe fonde shtese me vendim qeverie…Spo ja permend emrin se se kam me ate

  • Yjet e vertet lindin dhe largohen ne heshtje.Ngushellime per familjen

  • Ngushellime familjes

    Prehu e qete aktorja Harie Rondo

  • Ngushellime familjareve, per ne ka qene aktore shume e dashur dhe profesionele. Do te na mungoje te gjitheve.

  • Zoti e marrte prane fronit te tij.

    Ngushellime familjes dhe nje humbje e madhe shpirterore per gjithe kombin shqiptar I cili sot vuan mungesen kulturore dhe shorterore te ketyre njerezve te medhenj.

  • Aktorja Hajrie Rondo me rolet dhe menyren e interpretimit do i mungoje shume skenes se teatrit dhe filmit shqiptare. Ngushellimet me te sinqerta per familjen, te afermit e koleget e saj. Nga Sytki Ndrecaj Koplik, Malesi e Madhe



Copy Protected by Chetan's WP-Copyprotect.