Juventusi dështoi dje në darkë për t’u kualifikuar në gjysmëfinale të “Champions League”, si shkak i një penalltie shumë të kontestuar e cila u kthye në gol nga Ronaldo.
Në orët e fundit ka dalë në pah një video nga “Chiringuito TV”, në të cilën dallohen lojtarët e Juventusit që tentojnë të dëmtojnë pikën e bardhë të penalltisë, që do të ekzekutohej nga Cristiano Ronaldo.
Një tentativë e cila dështoi pasi u pikas nga Marcelo, Lucas Vazquez dhe Asensio të cilët e vunë re gjestin dinak të lojtarëve të Juventusit dhe protestuan për këtë fakt.
Ata e rregulluan vetë pikën e bardhë të penalltisë, përpara gjuajtjes së Cristiano Ronaldos.
Ndërkohë, në videon më poshtë, evidentohet edhe fakti që Cristiano Ronaldo në ato minuta ka qenë i përqendruar vetëm tek penalltia, pa u shqetësuar nga protestat apo nga gjestet e juventinëve.
¡AÚN NO LO HAS VISTO TODO! VIMOS con @alexsilvestreSZ la INTRAHISTORIA del PENALTI señalado en el MINUTO 93. #ElChiringuitoDeMega pic.twitter.com/I7kdr93afo
— El Chiringuito TV (@elchiringuitotv) April 12, 2018
(e.k/BalkanWeb)