Katër persona u vranë dhe dhjetë të tjerë u plagosën si rezultat i sulmeve ajrore intensive izraelite në disa zona në Libanin jugor.

Burime ushtarake libaneze, të cilët folën në mënyrë anonime, thanë se një ndihmës mjekësor në Kryqin e Kuq Libanez u plagos në një nga bastisjet që synonin fshatin Kfar Dounine në sektorin qendror të Libanit jugor.

Ushtria izraelite tha më herët se filloi një valë “të gjerë” sulmesh në territoret libaneze pasi raketat e lëshuara nga Libani goditën qytetin Safed në Izraelin verior, duke vrarë një person dhe duke plagosur të paktën tetë të tjerë.

Burimet ushtarake libaneze shtuan se avionët luftarakë kryen 15 bastisje në më pak se gjysmë ore, duke synuar disa zona në jug, duke përfshirë Nabatieh dhe Iqlim al Tuffah, të vendosura mbi 20 kilometra larg vijës kufitare që ndan Libanin nga Izraeli.

Burimet shtuan se ata monitoruan lëshimin e më shumë se 30 raketave tokë-tokë nga Libani jugor drejt Izraelit verior, me disa prej tyre që u kapën nga Kupola e Hekurt izraelite.

Kufiri Liban-Izrael ka qenë dëshmitar i rritjes së tensionit që nga 8 tetori 2023, pasi grupi i armatosur libanez Hezbollah hodhi dhjetëra raketa drejt Izraelit në mbështetje të sulmit të Hamasit ndaj Izraelit një ditë më parë, duke e shtyrë Izraelin të përgjigjet duke gjuajtur artileri të rëndë në drejtim të juglindjes.