Ndonëse ka një rritje të numrit të të infektuarëve me COVID-19 në 24 orët e fundit në raport me ditët e mëparshme, 34, Ministria e Shëndetësisë deklaron se shumica janë pa simptoma. Po kështu konfirmohet se të gjitha janë kontakte të rasteve të zbuluara para disa ditësh.

“Edhe pse ka një numër të lartë të rasteve sot, pjesa më e madhe janë asimptomatikë, pra pa shenja të sëmundjes dhe kryesisht janë kontakte të rasteve pozitive të mëparshme. Vijon hetimi epidemiologjik në vatrën e Krujës, ku janë zbuluar 18 raste, të gjitha janë kontakte të rasteve të zbuluara para disa ditësh,
Siç është edhe një rast në Mat, kontakt i një prej rasteve pozitive të Krujës që lidhet me vatrën në fasoneri.
Nga asnjë fasoneri tjetër nuk kemi deri më sot asnjë rast simptomatik. Kjo tregon qartë se në këtë përballje me coronavirusin, rolin kryesor e luan sjellja jonë në raport me rregullat”, deklaroi Genta Qirjako nga ISHP.