Ish-këshilltari i Ministrisë së Drejtësisë në Kosovë, Enis Qerka ka nxjerrë një dokument në rrjetet sociale ku shkruhet se hetimet ndaj tij janë pushuar nga Prokuroria.
Qerka u lirua nga detyra prej ministrit Selim Selimi për rastin në fjalë të një sasie droge në dhjetor të 2018 ku dyshohej se ishte përfshirë në trafikun e 113 kg heroinë në kufirin Kosovë- Maqedoni e Veriut.
Ai thekson se është i pafajshëm pasi e ka të provuar me vendim drejtësie, ndërsa shton se ky rast është shfrytëzuar me tendencë për hesape politike.
STATUSI NGA ENIS QERKA
Enis S Qerka
Gjykim publik
E tmerrshme se si u sulen me akuza e gjykime mediat e individ te partive politike ndaj meje per nje rast per te cilin te gjithe jane ne dijeni se nuk kam qene i perfshire dhe ka nje vendim te drejtesise.
E frikshme kur edhe ne rastet kur organi i drejtesise e deshmon pafajesine mediat e njerez te papergjegjshem ne kete vend ta bejn gjykimin publik.
Secilin rast do ta ndjeki ne rruge ligjore.
Une, familja ime dhe te gjithe e dine se nga dita pare ky rast eshte shfrytezuar me tendence per hesape politike.
(BalkanWeb)
