Pas javësh të tëra bombardime mbi qytetin e dytë më të madh në Ukrainë, Kharkiv, ushtria ruse ka humbur dhe është duke tërhequr tashmë trupat.
Shtabi i përgjithshëm i Ukrainës tha se rusët po tërhiqeshin nga qyteti verilindor dhe po përqendroheshin në ruajtjen e rrugëve të furnizimit, ndërsa forcat e Kievit dhe Moskës u angazhuan në një betejë të rëndë për zemrën industriale lindore të vendit.
Forcat ruse në vend të kësaj do të përqendrohen në lëshimin e mortajave, artilerisë dhe sulmeve ajrore në provincën lindore të Donetsk-ut, me qëllim që të shterojnë forcat ukrainase dhe të shkatërrojnë fortifikimet.
Instituti për Studimin e Luftës, një institut me bazë në Uashington, tha se Ukraina duket se ka fituar Betejën e Kharkiv. Aty thuhej se forcat ukrainase penguan trupat ruse të rrethonin dhe të kapnin Kharkivin, dhe më pas i dëbuan ato nga rrethinat e qytetit.
Kjo do të thotë se artileria ukrainase tani mund të synoja çlirimin e qytetit Vovchansk, i cili përmban një autostradë kryesore dhe linjë hekurudhore që furnizon forcat ruse në Donbas.
Kryetari i bashkisë së Kharkiv, Ihor Terekhov, i tha BBC-së se trupat ruse kishin arritur të hynin vetëm një herë në një pjesë të vogël të qytetit kyç verilindor dhe nuk ishin aty për një kohë të gjatë.
“Rusët po bombardonin vazhdimisht Kharkivin sepse po qëndronin shumë afër qytetit.”
Por tani që ata janë tërhequr, njerëzit po kthehen gradualisht në qytet dhe po sigurojnë furnizim me ujë, gaz dhe rrymë për të gjithë qytetarët.
“Megjithatë, për fat të keq, shumë ndërtesa banimi janë shkatërruar ose dëmtuar. Pra, në të ardhmen do të duhet të bëjmë një rindërtim të madh”, tha kryetari i bashkisë.
Guvernatori rajonal Oleh Sinegubov tha në një postim në aplikacionin e mesazheve Telegram se nuk kishte pasur sulme granatimesh në Kharkiv ditën e kaluar.
Ai tha se Ukraina kishte nisur një kundërofensivë pranë Izyum, një qytet 78 milje në jug të Kharkiv që ka qenë nën kontrollin efektiv rus që të paktën nga fillimi i prillit.Luftimet ishin të ashpra në lumin Siversky Donets afër qytetit të Severodonetsk, ku Ukraina ka nisur kundërsulmet, por nuk arriti të ndalojë përparimin e Rusisë, tha Oleh Zhdanov, një analist i pavarur ushtarak ukrainas.
