Ndërsa bombardimet në Lindjen e Mesme po vazhdojnë, i dërguari special i SHBA-së, Steve Witkoff tha se Irani ishte vetëm një javë deri në 10 ditë larg pasurimit të uraniumit në nivelin 90%, i  nevojshëm për të ndërtuar një armë bërthamore.

Duke folur në Fox News, i dërguari i Trump konfirmoi se Teherani ka rreth 10 000 kilogramë material bërthamor, duke përfshirë rreth 460 kilogramë të pasuruar deri në 60%.

Ai shpjegoi gjithashtu se Iranit iu ofrua një marrëveshje për ta furnizuar me karburant bërthamor nga jashtë në këmbim të ndalimit të pasurimit, por oferta u refuzua.

Witkoff më tej konsideroi se krenaria e negociatorëve iranianë për zotërimin e 460 kilogramëve uranium të pasuruar 60% ishte një tregues i qartë i qëllimit të Teheranit për të ruajtur aftësinë për të prodhuar armë.