Presidenti i SHBA-së, Donald Trump, thotë se e përjashton mundësinë që kurdët të bashkohen me luftën e Iranit.

Trump u tha gazetarëve në bordin e Air Force One se luftëtarët kurdë në rajon janë të gatshëm të ndihmojnë në përpjekjet për të rrëzuar qeverinë iraniane, por përfshirja e tyre do ta bënte konfliktin më të ndërlikuar.

“Lufta është mjaft e komplikuar pa përfshirë kurdët”, tha Trump.

Po ashtu Trump u tha gazetarëve se lufta kundër Iranit po shkon shumë mirë dhe deklaroi se ushtria e Iranit është “pothuajse inekzistente” pas javës së parë të konfliktit.

Trump deklaroi se SHBA-të “shkatërruan” forcat detare dhe ajrore të Iranit, si dhe shumicën e raketave të tyre, duke këmbëngulur se ato “i lëndojnë ata aty ku dhemb”. I pyetur se sa gjatë pret që lufta të zgjasë, presidenti amerikan u përgjigj se nuk e di dhe është gati për “çfarëdo që të duhet”.