Trajneri i Real Madrid, Arbeloa doli në konferencë para ndeshjes ndaj Bayern në Champions.

“Madridi gjithmonë ka qenë gati për ndeshje të mëdha. Bayern-i ka qenë një ekip, i cili ka luajtur shpesh në Champions. Historia që kemi me Bayern-in ka qenë gjithmonë e veçantë. Jam i sigurt se ‘Bernabéu’ do të përjetojë një tjetër mbrëmje të madhe si ajo me City-n.

Ekipin anglez Real-i e eliminoi me një tjetër skuadër në fushë pasi i mungonte Mbappé. Në këtë pikë Arbeloa shpjegon se me rikthimin e francezit skuadra e tij do të luante në një tjetër mënyrë.

“Mbappé nuk ka karakteristikat e Brahim-it prandaj do të na duhet të luajmë një tjetër mënyrë. Jam i lumtur që kam këtë problem pasi mund të mbështetem në disa lojtarë të mëdhenj. Mbappé erdhi në Madrid për të luajtur këto ndeshje”, tha Arbeloa.