Kreu i PD Sali Berisha ka zhvilluar një konferencë me gazetarët në sallë Azem Hajdari, në selinë e PD.

Berisha ka reaguar ashpër për ngjarjen e rëndë të ndodhur në Korçë ku mbeti i vrarë polici Enea Mekolli dhe një efektiv tjetër u plagos.

Berisha ka dënuar ngjarjen ndërsa, theksoi se vrasja e policit dëshmon se rendi, ligji e siguria është në dorë të krimit.

“Krim i sponsorizuar. Ishte një njeri idealist. Vëllai i tij kishte ndërruar jetë. Familja e tij është një familje me kontribute të mëdha. Por aq sa është e dhimbshme, vrasja mizore nga një dorë kriminale e policit në detyre, aq kriminale dhe e shëmtuar është qëndrimi i shtetit, i narkoshtetit ndaj vrasësit që kishte 9 vite në kërkim, dhe financohej në fonde shtetërore, për të ndërtuar stalle, konaqe për të bagëti sikur të ishte një fermer i përkushtuar. Vrasja e Enea Mekollit dëshmon se rendi, ligji e siguria është në dorë të krimit”, tha ai.