Qytetarët zhvilluan dje protestën e 38-të radhazi në bulevardin “Dëshmorët e Kombit”, duke kërkuar largimin e qeverisë dhe dorëheqjen pa kushte të kryeministrit Edi Rama.

Edhe këtë herë, një pjesë e veçantë e protestës ishin pankartat dhe vizatimet e fëmijëve, të cilët prej ditësh kanë zgjedhur të shprehin mesazhet e tyre përmes pikturave në bulevard.

 

Mesazhet e shfaqura në protestë prekën tema të ndryshme sociale, nga arsimi dhe shëndetësia, te drejtësia dhe mbrojtja e pronës.
Në pankarta shkruhej:
“Një i çmendur një vend e çmend”
“Protestojmë për arsimin e dështuar, drejtësinë e korruptuar, shëndetësinë e degjeneruar dhe të gjitha strukturat e munguara”
“Koha e maskarenjve, por atdheu i shqiptarëve”
“Shteti duhet të mbrojë pronën, jo grabitësit. Rama jep dorëheqjen”
“Drejtësi për pronarët, jo miliarda për pushtetarët”
“A don ti Gjergj me i fal tokë Osman Beut?”
Protestuesit deklaruan se do të vijojnë tubimet deri në plotësimin e kërkesave të tyre, ndërsa atmosfera në bulevard u shoqërua me thirrje kundër qeverisë dhe mesazhe për ndryshim politik.