Rumania ka dëbuar një diplomat rus nga ambasada në Bukuresht, në një përshkallëzim të ri të tensioneve mes dy vendeve, pas incidenteve të përsëritura me dronë që kanë shkelur hapësirën ajrore rumune.

Ministria e Jashtme rumune bëri të ditur se vendimi u mor si pasojë e këtyre shkeljeve, në një kohë kur Rusia ka intensifikuar sulmet ndaj Ukrainës fqinje.

Sipas autoriteteve rumune, avionët luftarakë F-16 të Forcave Ajrore kanë rrëzuar tre dronë brenda tre ditësh, nga e premtja deri të dielën, pasi ata hynë në hapësirën ajrore të vendit.


Rumania, si anëtare e NATO-s, është përballur me disa incidente të lidhura me luftën në Ukrainë, veçanërisht në zonat pranë kufirit me Ukrainën dhe lumit Danub.

Nga ana tjetër, Moska ka hedhur poshtë akuzat e Bukureshtit. Ambasada ruse në Rumani i cilësoi pretendimet si “të pabazuara”, duke deklaruar se Rusia nuk ka drejtuar asnjëherë dronë kundër objektivave në territorin rumun.

Rusia paralajmëroi gjithashtu se do të ndërmarrë masa hakmarrëse ndaj vendimit për dëbimin e diplomatit, pa dhënë detaje se çfarë hapash mund të ndërmerren.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: