Presidenti ukrainas Volodymyr Zelensky ka publikuar pamjet e para të një droni të ri interceptor, të zhvilluar për të përballuar dronët Shahed të përdorur nga Rusia, përfshirë variantet me motorë reaktivë.
Sipas Zelenskyt, sistemi është zhvilluar nga kundërzbulimi ushtarak i Shërbimit të Sigurisë së Ukrainës (SBU) dhe është testuar me sukses në operacione reale.
Në pamjet e publikuara shihet interceptori duke vepruar në terren, ndërsa detajet teknike, kapacitetet dhe specifikimet e tij nuk janë bërë ende publike.
Report from SSU Head Oleksandr Poklad. There is a good result from the Security Service’s military counterintelligence in defending against jet-powered “shaheds.” A new interceptor drone has been developed and has already been successfully deployed. Step by step, we are moving forward to give Ukraine greater protection. I thank all the developers and manufacturers who work every day to scale up the weapons we need.
Glory to Ukraine! 🇺🇦🇺🇦🇺🇦
— Volodymyr Zelenskyy / Володимир Зеленський (@ZelenskyyUa) September 19, 2026
Zelensky ka deklaruar se fokusi i radhës është rritja e kapacitetit prodhues dhe shtimi sa më i shpejtë i numrit të këtyre interceptorëve.
Zhvillimi i sistemit vjen në kuadër të përpjekjeve të Ukrainës për të forcuar mbrojtjen kundërajrore dhe për të përballuar sulmet me dronë të përdorur nga Rusia.
Kievi po investon gjithnjë e më shumë në sisteme të prodhuara në vend për zbulimin dhe neutralizimin e dronëve sulmues, veçanërisht përballë përdorimit të gjerë të mjeteve ajrore pa pilot gjatë konfliktit.
