Kuvendi i Shqipërisë ka miratuar me 106 vota pro projektligjin që lidhet me pjesëmarrjen e Forcave të Armatosura të Republikës së Shqipërisë në operacionin ushtarak të NATO-s “Forca Ndërkombëtare të Stabilitetit” në Gazë.
Në vijim të seancës plenare, mazhoranca ka miratuar edhe projektligjin “Për disa ndryshime dhe shtesa në ligjin nr. 10236, datë 18.2.2010, ‘Për marrjen në kontroll të shoqërive me ofertë publike’”.
Pas përfundimit të shqyrtimit të projektligjeve dhe votimeve, kryetari i Kuvendit, Niko Peleshi, ka mbyllur seancën plenare.
Seanca e sotme u karakterizua me tensione mes mazhoracës dhe opozitës me këtë të fundit që kërkoi që rendi i ditës të ndryshohej dhe në Kuvend të diskutohej në lidhje me skandalin e ish-kreut të SHISH Vlora Hyseni.
