Sekretari i Shtetit i SHBA-së, Marco Rubio, ka deklaruar se Irani nuk ka shfrytëzuar “mundësitë e shumta” për të arritur një marrëveshje me Shtetet e Bashkuara lidhur me programin e tij bërthamor.

Duke folur gjatë një konference për shtyp në Greqi, Rubio tha gjithashtu se Irani ka “humbur kontrollin e plotë” të Ngushticës së Hormuzit, një nga rrugët ujore më të rëndësishme për transportin global të energjisë.

Deklaratat e Sekretarit amerikan të Shtetit vijnë në një kohë kur tensionet në këtë zonë vijojnë të jenë të larta, ndërsa anijet tregtare raportohet se po përballen me sulme në këtë korridor detar nga Trupat e Gardës Revolucionare Islamike të Iranit.

Ngushtica e Hormuzit lidh Gjirin Persik me Gjirin e Omanit dhe konsiderohet një pikë strategjike për qarkullimin e naftës dhe gazit në tregjet ndërkombëtare.