Zyra për Kosovën në Qeverinë e Serbisë ka publikuar sot Raportin mbi përparimin në dialogun Beograd – Prishtinë, transmetojnë mediet serbe. Gjatë prezantimit para gazetarëve, drejtori i Zyrës për Kosovën, Marko Gjuriç, tha se Serbia i ka përmbushur të gjitha detyrimet nga Marrëveshja e Brukselit.
Siç citohet të ketë thënë ai, nuk ka kushte të reja shtesë për normalizimin e marrëdhënieve midis Beogradit e Prishtinës, transmeton Koha.net. Ky fakt, sipas tij, i hap Serbisë rrugën për hapjen e kapitujve të parë në negociatat me BE-në.
Pasi ka thënë se Marrëveshja e Brukselit është e qartë kur bëhet fjalë për funksionet dhe kompetencat e Bashkësisë (Asociacionit) të Komunave Serbe, Gjuriç ka thënë se Beogradi nuk do të heqë dorë nga formimi i Bashkësisë (Asociacionit) të Komunave Serbe.
Ndërsa ka përmendur pesë pengesat për zbatimin e Marrëveshjes së Brukselit që burojnë sipas tij nga mungesa e gatishmërisë së Prishtinës për të përmbushur ato për të cilat është zotuar.
Raporti nuk përmend strukturat paralele të Serbisë, që vazhdojnë të funksionojnë në Kosovë, dhe as destruksionet e tjera të pikëve të Marrëveshjes së Brukselit.
(el.sp/BalkanWeb)
