Pep Guardiola i rikthehet edhe një herë eliminimit në Champions League, një humbje që vijon t’i “djeg”, por Pep gjen “ngushëllim” te fakti se përballë kishin Real Madrid:

“Sot ndihemi më mirë se dje dhe nesër do të ndihemi edhe më mirë se sot. Nuk është momenti të qahemi për eliminimin nga Reali i Madridit. Dhamë maksimumin, por nuk arritëm dot të fitonim. A e keni të qartë se çfarë skuadre kishim përballë? Prisnit që ata të mos e mbanin fare topin dhe të mos krijonin asnjë rast për gol? Kujtonit se do të fitonim një tjetër tripletë? Dhe sërish tripletë edhe sezonin e ardhshëm? Dhe ndoshta Premier League me 20 pikë diferencë me ndjekësit? Jo, nuk është kështu”, shpreh trajneri spanjoll.