KOSOVE
Reperja Tayna ka pësuar mbrëmjen e djeshme një aksident automobilistik në Prishtinë. Ajo po lëvizte me makinën e saj të tipit “Mercedes Benz” në rrugën “Eqrem Çabej”, kur u përplas nga një makinë tjetër.
Menaxheri i Taynas, Rinor Hykolli, ka konfirmuar se artistja që ai ka në menaxhim është aksidentuar mbrëmjen e djeshme në lagjen Bregu i Diellit shkruajnë mediat kosovare.
Menaxheri i artistes është shprehur se mjeti i artistes është goditur nga një makinë tjetër. Tayna është në gjendje të mirë shëndetësore dhe se nuk ka marrë lëndime në trup, por vetëm dëmtime të vogla të mjetit me të cilin udhëtonte.
(BalkanWeb)