Policia në kuadër të masave të përforcuara në luftën kundër tregtisë së paligjshme me drogë dhe në koordinim me Prokurorinë Themelore Publike – Kavadar, zhvilloi një aksion anti-drogë në rrethin e Shkupit, me ç’rast në një depo në Butel është gjetur dhe konfiskuar mbi 1 tonë drogë.
Lajmi është konfirmuar edhe nga drejtori i Byrosë për Siguri Publike, Sasho Tasevski, raportojnë mediat shqiptare në Maqedoninë e Veriut.
“Është privuar nga liria një person, ndaj të cilit do të ngrihet padi adekuate në bazë të nenit 215, alineja 1, nga Kodi Penal. Hetimi është në zhvillim e sipër për të zbuluar edhe përfshirjen e personave të tjerë në tregtinë e paligjshme me marijuanë”, deklaroi Tasevski.
(Balkanweb)