E ardhmja e Gareth Bale duket e destinuar, në Angli dhe në Spanjë e bëjnë fakt të kthyer rikthimin e tij tek Tottenham Hotspur. Palët janë në detajet e fundit të konkretizimit të marrëveshjes, mbetet vetëm që Real Madrid të pranoj kërkesën e klubit londinez për të ndarë mes tyre pagën e sulmuesit uellsian. Nuk pritet që presidenti Perez të bëhet pengesë në këtë pikë pasi është thuajse e pamundur që të shes Bale me titull përfundimtar. Kostot e një operacioni të tillë janë thuajse të pamundura për çdo klub në këto kushte të vështira ekonomike. Reali gjithashtu nuk e ka luksin të mbaj në stol një lojtarë që përfiton 15 milion euro në sezon.
Jose Mourinho po pret krahëhapur Gareth Bale por nga Tottenham pritet të largohet një tjetër lojtar i rëndësishëm, bëhet fjalë për Dele Ali. Sulmuesi anglez nuk është përfshirë në listën e lojtarëve të grumbulluar për sfidën kundër Lokomotiv Plovdiv, e vlefshme për Europa League. “Daily Mail” shkruan se Dele Ali do të sakrifikohet për ti bërë vend pikërisht Gareth Bale. Dele Ali sipas të përditshmes britanike ka përfunduar në shënjestrën e PSG por në negociata mund të përfshihet edhe Inter.
(BalkanWeb)