“Të hënën në mëngjes do të jem me Draghin në Algjeri për të nënshkruar një marrëveshje gazi që do të na lejojë të përballemi me çdo shantazh rus. Fatkeqësisht jemi vonë si vend, na është dashur të diversifikoheshim shumë më herët, por kemi shumë partnerë dhe miq rreth botës”.

Kështu deklaroi ministri i Jashtëm i Italisë, Luigi Di Maio, i cili më pas shton: “BE duhet të vendosë një tavan maksimal për çmimin e gazit. Nuk mund të mendojmë në këtë moment të preferojmë dinamikën spekulative të çmimeve në vend të sigurisë së familjeve tona”.