Ambasadorët e vendeve të Bashkimit Europian kanë arritur për herë të parë një marrëveshje për zgjatjen me tre vjet të një pjese të sanksioneve të vendosura ndaj Rusisë, duke ndryshuar praktikën e deritanishme të rinovimit periodik të tyre.

Marrëveshja është arritur pas negociatave mes vendeve anëtare, por kompromisi ka përfshirë heqjen e sanksioneve ndaj miliarderëve rusë Mikhail Fridman dhe Alisher Usmanov.

Çështja kishte shkaktuar përplasje brenda BE-së, pasi Letonia kishte kundërshtuar më herët një marrëveshje që do të sillte heqjen e kufizimeve ndaj dy biznesmenëve rusë.

Vendimi për zgjatjen trevjeçare synon të reduktojë rrezikun që masat të bllokohen gjatë rinovimeve të shpeshta, të cilat kërkojnë unanimitetin e vendeve anëtare.

Megjithatë, marrëveshja mes ambasadorëve duhet të kalojë procedurat përkatëse të BE-së përpara se ndryshimet të marrin formën përfundimtare juridike.

Sanksionet europiane ndaj Rusisë janë zgjeruar vazhdimisht që prej nisjes së pushtimit të plotë të Ukrainës në shkurt 2022 dhe përfshijnë masa ekonomike, financiare dhe kufizime ndaj individëve e subjekteve të lidhura me Mos