SHBA

Ditën e djeshme është bërë inaugurimi i Presidentit të 46-të të Shteteve të Bashkuara të Amerikës, Joe Biden. Politikani i cili fitoi kundër Trumpit, është 78 vjeç dhe ka arritur këtë titull presidencial pas kaq shumë vitesh.

E duket se një e arritur e tillë po shihet si frymëzim nga shumë prej emrave të njohur. Ndër ta është edhe këngëtarja shqiptare me famë botërore, Bebe Rexha, e cila ka shfrytëzuar këtë arritje të presidentit amerikan, për t’i motivuar fansat e saj përmes një statusi në rrjetin social Twitter.

“Thjesht dua t’ju njoftoj. Asnjëherë nuk është vonë për të ndjekur ëndrrat e tua. Joe Biden është 78 vjeç dhe po bëhet president i Shteteve të Bashkuara sot. Mos u dorëzoni”, shkroi 31-vjeçarja në ditën e inaugurimit.

Kujtojmë që edhe vet artistja shqiptare ka kaluar në një sërë peripecish për të arritur ku është sot. Ajo punoi për shumë vite në muzikë, teksa famën e arriti shumë më vonë duke shkruar këngën “The Monster” të Rihannës dhe Eminemit, nga ku më pas do të vazhdonte suksesshëm publikimin e shumë projekteve solo, që rezultuan të suksesshme.

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb