Një ditë pas spektaklit që dhuruan në Champions, Bergamo është zgjuar në heshtje totale, kjo pasi 1/3 e qytetit ishte shpërngulur në Milano, 45 mijë të pranishëm në “San Siro”. Tifozët e “Deas” përjetuan një mbrëmje fantastike, një fitore me “poker” golash që e bën dhe më fantastik sezonin e tyre.
Atalanta mund të përkufizohet pa frikë si pjesa më e bukur e futbollit italian këtë sezon, këtë e tregojnë edhe numrat: 12 gola kanë shënuar deri më tani, por këtë shifër e kanë arritur me 10 lojtarë të ndryshëm, më mirë se çdo skuadër tjetër në këtë sezon të Champions League. Kishte 16 vite që një skuadër italiane nuk i shënonte 4 katër gola një ekipi spanjoll në 1/8 e Champions League.
Bergamo po përjeto një ëndërr, janë shumë pranë kualifikimit por trajneri Gasperini përpiqet të mbaj ekipin me këmbë në tokë: “Për atë që dhuroj ndeshja mund të shënonim ndonjë gol më shumë por dhe Valencia gjithashtu. Kualifikimin duhet ta sigurojmë me personalitet në fushën e tyre, nuk është një rezultat përfundimtar”.
Në fund Gasperini komentoi dhe dëmtimin e Gjimshitit i cili ishte projektuar si titullar në këtë sfidë por një problem gjatë nxehjes ia mohoi një kënaqësi të tillë: “Shpresojmë që të mos jetë një dëmtim muskulor, ka pësuar një hematomë të vogël”.
(BalkanWeb)