Autoritetet serbe kanë vendosur t’i detyrojnë shtetasit e huaj nga katër vendet fqinje, të cilët dëshirojnë të hyjnë në Serbi, të paraqesin një test negativ për COVID-19.
“Qytetarët e huaj, të cilët dëshirojnë të hyjnë në vendin tonë nga Kroacia, Maqedonia e Veriut, Rumania dhe Bullgaria, duhet të kenë një provë negative jo më të vjetër se 48 orë”, tha në televizionin kombëtar (RTS), Darija Kisic Tepavceviç, anëtare e Ekipit për Krizën.
“Kjo masë hyn në fuqi të shtunën dhe nuk prek shtetasit serbë, të cilët kthehen në vendin e tyre nga këto katër vende fqinje”, shtoi ajo.
Sipas Tepavcevic, vendimi u mor pas një vlerësimi të situatës epidemiologjike.