TIRANË

Nënkryetari i grupit parlamentar i PD-së, Gent Strazimiri përmes një deklarate për mediat pohoi se sa herë Edi Rama kapet në flagrancë në krim, ai përdor të njëtën metodë duke gënjyer shqiptarët e mohuar faktet që e rendisin shqipërinë si vendim më të varfër në Europë.

Ai u ndal edhe tek përgjimet e publikuara nga Zëri Amerikës për blerjen e votave nga kryebashkiaku i Durrësit, Vangjush Dako dhe lidhjen e tij me Avdylajt. Sipas Strazimirit, tashmë asnjë shqiptar i ndershëm nuk i beson kryeministrit, ndërsa shtoi se është koha që të gjithë qytetarët të bashkohen masivisht në protestën e të enjtes.

“Sa herë Edi Rama është në hall i kapur në flagrancë në krim, ai përdor të njëjtën metodë: gënjen në mënyrë të paturpshme dhe mohon në mënyrë kriminale të vërtetat e mëdha që rendisin Shqipërinë si vendin më të korruptuar dhe më të varfër në Europë.

Njësoj veproi edhe sot.

* Mohoi se e ka grabitur pushtetin me paratë dhe influencat e krimit dhe të drogës.

* Mohoi ekzistencën e dosjes “339”, ku vetëm nga përgjimi i një bande kriminale, rezulton se Edi Rama ka blerë vota dhe mandate deputetësh në 4 qarqe të vendit.

Edi Ramës sot nuk i beson më askush!

o Ai mohoi para 5 vjetësh se kishte futur vetëm në parlament 19 kriminelë, vrasës, përdhunues, trafikantë droge e qëniesh njerëzore, e sat ë tjerë nëpër bashki.

o Ai mohoi para 3 vjetësh se e ktheu Shqipërinë në Kolumbinë e Europës, me 219 mijë hektarë të mbjella më kanabis, e para 2 vjtësh se ministry I tij I brendshëm trafikonte me bandat

o Ai mohoi sot se grabiti zgjedhjet me ndihmën e krimit të e organizuar.

Tani është koha e së vërtetës!

Dosja 339 nuk është e Partisë Demokratike.

Bandat që blejnë vota nuk janë të Partisë Demokratike. Vangjush Dako, Arben Ndoka, Elvis Roshi, Damian Gjiknuri nuk janë të Partisë Demokratike, por janë njerëzit kyç që komunikojnë herë me bandat e krimit të organizuar, herë me banditët në krye të Policisë për të blerë votat për llogari të Edi Ramës.

Sa herë që Edi Rama, do të tentojë të mashtrojë shqiptarët për pushtetin e blerë me krimin, Partia Demokratike, do t’u tregojë shqiptarëve të vërtetën jo sipas nesh, por sipas “Zërit të Amerikës”.

As kjo media nuk është e Partisë Demokratike.

Ajo financohet nga Departamenti Amerikan i Shtetit, ka qenë për 46 vjet i vetmi zë i së vërtetës për shqiptarët dhe mbetet, ende sot, zëri i së vërtetës së pamohueshme, të painfluencueshme, asaj që nuk është në shitje”,  tha ai.

(N.M/BalkanWeb)