Ish-deputeti i PD-së Endri Hasa, me anë të një postimi në “Facebook” shprehet se 68 punonjës po lënë punën, për shkak të shkeljes së kontratës nga Albkontrolli me urdhër politik të Ballukut.

Hasa thekson se gjendja aktuale është përgjegjësi direkte e Belinda Ballukut dhe bandës në pushtet. Ai shton se Politizimi i çdo sektori është rrezik për vendin. Hasa vlerëson se Partia Demokratike do të vendosë standarde europiane edhe në Aviacionin Civil.

Postimi i ish-deputetit të PD-së Endri Hasa:

Papërgjegjshmëria e Belinda Ballukut ka degraduar situatën me punonjësit e kontrollit ajror.

68 punonjësit po lënë punën, për shkak të shkeljes së kontratës nga Albkontrolli.

Me urdhër politik të Ballukut, sot situata në kullën e kontrollit nuk përmbush standardet dhe rrezikon sigurinë kombëtare.

Gjëndja e krijuar është përgjegjësi direkte e Belinda Ballukut dhe bandës në pushtet. Nga njëra anë vjedhin edhe tek tenderat e ushqimit, nga ana tjetër nuk paguajnë për të garantuar standardet e sigurisë.

Politizimi i çdo sektori është rrezik për vendin. Këtë duhet ta ndryshojmë me votë për t’u lënë vend profesionistëve. Partia Demokratike do të vendosë standarte europiane edhe në Aviacionin Civil.

Më 25 prill #shqiperiafiton

(Balkanweb)