Yevgeny Prigozhin dhe një toger i Wagner, të cilët u vranë në rrëzimin e avionit të javës së kaluar, u varrosën në varreza të veçanta për të parandaluar që varret e tyre të shndërroheshin në një vend pelegrinazhi, ka thënë një institut amerikan.

Funeralet e Prigozhin dhe Valery Chekalov, kreut të logjistikës dhe sigurisë së Wagner, u mbajtën dje në varrezat Porokhovskoye dhe Severnoye.

Të dy ceremonitë ishin private, me policinë që ruante zonat përreth.

Instituti për Studimin e Luftës ka thënë në përditësimin e tij të përditshëm se varrosjet e veçanta ka të ngjarë të jenë një përpjekje për të mos lejuar një vend pelegrinazhi të vetëm “që do t’i shpallte anëtarët e vdekur Wagner si martirë”.

Por ISW tha se kjo taktikë mund të jetë e paefektshme pasi shërbimi për shtyp i Prigozhin konfirmoi dje në kanalin e tij Telegram, i cili ishte joaktiv që nga 26 qershori, vendndodhjen e varrit të tij dhe i bëri thirrje kujtdo që “dëshironte të thoshte lamtumirë” ta vizitonte.