Drejtuesi i SYRIZAS Stefanos Kasselaqis ka mbërritur sot në Shqipëri ku ka zhvilluar një takim në zonën e Dropullit.
Gazetarja Brikena Metaj raporton se ndalesa e parë e tij ishte në shkollën e Bularatit me drejtues të Zyrës Arsimore Finiq – Dropull.
Në takim është i shoqëruar nga konsulli grek në Gjirokaatër Dimitrios Sacharidis dhe kryetari i bashkisë Dropull Dhimitër Toli.
Gjatë këtij takimi të parë ai u njoh me një ekspoze të arsimit grek në zonën e minoritetit dhe problemet e tyre.
Herët në mëngjes Kasselaqis zhvilloi takim në Kallpaq të Janinës.
Më pas ai e ka vijuar turin në varrezat e dëshmorëve në Bularat ku vendosi lule në memorial.
“Jam krenar për vendin tim. Duhet të ndjejmë nevojën për paqe” tha Kasselaqis.