Mjetet ajrore pa pilot me rreze të gjatë veprimi të forcave të armatosura ukrainase shënjestruan një uzinë kimike në veri të Rusisë , pasi përfundoi një armëpushim 32-orësh për Pashkët Ortodokse, tha Kievi të martën.

Objektivi ishte një uzinë amoniaku në Cherepovets, rreth 400 kilometra në veri të Moskës, tha në Telegram Robert Brovdy, kreu i njësive të dronëve të ushtrisë ukrainase.

Fabrika prodhon qindra mijëra ton amoniak, nitrat amoni dhe acid nitrik çdo vit. Disa nga këto materiale janë të destinuara për prodhimin e eksplozivëve, shtoi ai.

Nga pala ruse, kryetari i bashkisë së Cherepovets, Andrei Nakrasayev, konfirmoi se një uzinë industriale ishte sulmuar, por siguroi se nuk kishte rrezik për qytetin, raportoi agjencia shtetërore ruse e lajmeve TASS.

Qyteti është rreth 900 kilometra larg kufirit Rusi-Ukrainë.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb