Ekipi më i mirë në pesë 5 ligat kryesore evropiane mbetet Bayer Leverkusen, që vijon të jetë i pathyeshëm në të gjitha kompeticionet. Ekipi i drejtuar nga Ksavi Alonso mori fitoren e 13-të radhazi, e teta rresht në Bundesligë dhe vijon të kryesojë me 2 pikë para Bayern Munchen.
Së fundmi, aspirinat fituar 3-0 në fushën e Werder Bremen, duke pasur një mesatare prej 3 golash për ndeshje në 12 javët e para në kampionat. Dy herë në pjesën e parë dhe njëherë në të dytën bënë që Leverkusen të shohë përpara në Europa League.
Në të gjitha kompeticionet kryesuesit e Bundesligës kanë marrë 17 fitore dhe një barazim, rezultate fantastike që rrallë skuadër i ka arritur, për më tepër që barazimi është marrë në fushën e Bayern.
Xabi Alonso ka dhënë shumë asiste në karrierën e tij: sulmuesit janë mirënjohës dhe po ashtu edhe lojtarët e krahut, të shërbyer gjithmonë në kohën e duhur. Mentaliteti si trajner është i njëjtë me atë që kishte në fushë, një lojë ekipi ku të gjithë japin më të mirën e tyre.
Bayer Leverkusen është një kënaqësi për sytë dhe të gjithë në Bundesliga tani ia kanë frikën. Zero humbje në 18 ndeshje, por nëse golat e Boniface dhe magjitë e Ëirtz nuk befasojnë më askënd, një tjetër statistikë ka befasuar: me spanjollin në stol, sulmuesit e rinj janë mbrojtësit e avancuar të krahut.
Në skemën 3-4-3 të Alonso-s arma shtesë janë krahët, Frimpong në të djathtë dhe Grimaldo në anën e kundërt. Vrapim, cilësi dhe mbi të gjitha gola të shumtë: holandezi ka shënuar gjashtë, ndërsa spanjolli nëntë. Dhe natyra e tyre është krejtësisht e ndryshme, duke qenë se ata janë mbrojtës të lindur.
Ish-lojtari i Benfica-s garanton cilësi dhe shumë zgjidhje, si goditjet standarde dhe e golat me goditje dënimi. Në binarin tjetër, megjithatë, treni është më pak i bukur, por është më i shpejtë. Një ekuilibër perfekt që del edhe në fazën mbrojtëse, nisur nga dhjetë golat e vetëm të pësuar në kampionat.
Në futbollin modern, mbrojtësit e krahut janë bërë një pjesë e rëndësishme në fantazitë e trajnerëve dhe shpesh i gjejmë në fushë si mesfushorë shtesë. Në modulin e Xabi Alonso-s gjithçka është shumë më e thjeshtë: ata janë të pakapshëm dhe shënojnë gola.
(BalkanWeb)
