Pronari i lokalit në Elbasan, Albert Alterziu u plagos rëndë pas shpërthimit të një granate gjatë orëve të para të mëngjesit të sotëm.
Gazetari Fatmir Popja raporton për “BalkanWeb” se i plagosuri ndodhet jashtë rrezikut për jetën.
Plagosja nga shpërthimi i granatës ndodhi në lagjen “Partizani” në qytetin e Elbasanit në ambientet e lokalit në orën 03.45 të mëngjesit të sotëm, ndërsa operacioni i pronarit të lokalit ka zgjatur deri në orën 08.00.
Lajmi konfirmohet për “BalkanWeb” nga burime brenda spitalit të Elbasanit. Pas shpërthimit të granatës, i plagosuri pësoi dëmtime të shumta në fytyrë. Sipas mjekëve, 32-vjeçari kishte pësuar dëmtime serioze në bark si dhe në shpretkë.
(n.m/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
