Presidenti francez Macron, në konfercën për mediat, fill pas shtyrjes së hapjes së negociatave për dy vendet e Ballkanit Perëndimor, ka deklaruar se shumica e vendeve anëtare të BE ishin kundër hapjes së negociatave me Shqipërinë, krejt ndryshe nga rasti i Maqedonisë së Veriut që kishte më pak kundërshti.
Në videon e publikuar nga Euronews Albania, Presidenti francez thotë se për Shqipërinë kishte një shumicë kundër hapjes së negociatave.
“Dje dëgjova disa fjalë se ne pothuajse arritëm uninamitet për hapjen e bisedimeve me Shqipërinë dhe Maqedoninë e Veriut. Kjo nuk është e vërtetë. Padyshim, aty kishte një shumicë që Maqedonisë së Veriut ti hapen negociatat, por shumica e shteteve ishin kundër Shqipërisë. Nisja e bisedimeve të anëtarësimit vetëm me një vend do të ishte një gabim i tmerrshëm për Ballkanin” tha Macron.
French President @EmmanuelMacron said the majority of #EU countries opposed #accession talks with ?? & a few were against??. He argued that granting membership talks to one country alone would be a terrible mistake for #Balkans. pic.twitter.com/8r2nDAjoOv
— Euronews Albania (@EuronewsAlbania) October 18, 2019
(BalkanWeb)