Kryeministri i Shqipërisë, Edi Rama ka publikuar një foto ku shfaqet flamuri i Emirateve të Bashkuara Arabe në godinën e Universitetit Politeknik të Tiranës këtë mbrëmje.
Rama thotë se Emiratet e Bashkuara Arabe janë një mik dhe partner i veçantë në kohë shumë sfiduese për popullin shqiptar. Gjithashtu kryeministri thekson se shqiptarët nuk do e harrojnë kurrë atë që bëri shteti arab në 1999 në luftën e Kosovës si dhe pas tërmetit të 2019 në Shqipëri.
Vetëm javën e kaluar Rama shkoi vetë në Dubai për të firmosur marrëveshjen me Emiratet e Bashkuara Arabe që do të ndërojnë 2000 apartamente të reja në Durrës si dhe një program të përbashkët investimesh për përfshirjen e disa kompanive të shtetit tjetër në Shqipëri.
Nga ana tjetër më 28 nëntor kulla më e lartë në botë, ajo e Burj Khalifa në Dubai u vesh në mbrëmje me ngjyrat e flamurit të nëntorit. Jo vetëm, në shkurt në Konferencën e Donatorëve Emiratet e Bashkuara të Arabe i dhanë Shqipërisë 70 milionë euro.
STATUSI NGA EDI RAMA
Shqipëria nderon me shumë respekt Ditën Kombëtare të UAE një mik dhe partner i veçantë në kohë shumë sfiduese për popullin shqiptar. Nuk do ta harrojmë kurrë atë që bëri # Emiratet e Bashkuara Arabe për ne në 1999 gjatë luftës së Kosovës, si dhe pas tërmetit 2019! Zoti i bekoftë njerëzit e UAE.
Albania honours with great respect the #UAENationalDay a special friend and partner in very challenging times for the Albanian people?We will never forget what #UAE did for us back in 1999 during Kosovo’s war, as well as after the 2019 earthquake! God Bless the people of #UAE? pic.twitter.com/GyKONhZxvY
— Edi Rama (@ediramaal) December 2, 2020
(BalkanWeb)