HIMARA

Një zjarr është shfaqur edhe në kodrën sipër Livadhit në Himarë. Flakët kanë nisur paraditen e sotme teksa vijojnë ende në orët e darkës.

Nga ana tjetër Ministria e Mbrojtjes njofton se me këtë zjarr po merren 15 efektivë të Bashkisë së Himarës që po e mbajnë nën kontroll.

‘’Një vatër zjarri është zhvilluar në Himarë, Livadhë rreth orës 11:00.  15 efektivë të Bashkisë Himarë po e mbajnë nën kontroll situatën.’’- thotë Ministria e Mbrojtjes.

Jugu i Shqipërisë këto ditë të nxehta gushti është përfshirë nga flakët, por situata është më serioze në Gjirokastër ku ka pasur një humbje jete dhe në Karaburun.

(BalkanWeb)