Dashi
Që në mëngjes keni për të vënë re se dita e sotme do të jetë shumë e ngadaltë dhe do të keni frikë se mos nuk përfundoni dot planet që keni për sot.

Demi
Sot më shumë se asnjë ditë tjetër keni për të qenë kundër mendimeve dhe veprimeve të personave që ju rrethojnë. Nuk ju pëlqen asgjë. Provoni t’i shfryni nervat tuaja diku tjetër përveç ambientit familjar, sepse ata shqetësohen shumë nga gjendja juaj.

Binjakët
Keni për të kaluar një ditë normale, që mund të ndryshojë nga momenti në moment. Kujdes me shpenzimet e tepruara dhe me gjërat që realisht nuk i keni të domosdoshme.

Gaforrja
Më në fund do të keni kohë të lirë për t’iu dedikuar atyre gjërave që zakonisht ua lini të tjerëve për t’i përfunduar. Tregoni kujdes se si do të flisni kur të jeni në një ambient me njerëz jo shumë të besuar.

Luani
Çdo gjë që ju do të bëni sot ka për t’ju ecur mbarë. Jeni në kulmin e energjive tuaja pozitive dhe duhet ta shfrytëzoni këtë moment. Duhet të lini mënjanë zënkat e vjetra me shoqërinë tuaj. Ka ardhur momenti që t’u jepni vendin e duhur miqësive të vërteta.

Virgjëresha
Gjëja më e mirë që mund të bëni është të mendoni për të ardhmen tuaj. Duhet të bëni plane afatgjata si për familjen, ashtu edhe për punën tuaj. Ditët kalojnë shumë shpejt, dhe është në dorën tuaj t’u jepni kuptimin e duhur.

Peshorja
Përpara se të merrni vendime të rëndësishme sot, mundohuni të kërkoni këshillën e personave që gjithmonë ju këshillojnë për mirë. Keni për të takuar një person që ka për t’ju dhënë ide të reja.

Akrepi
Sigurisht, dita e sotme ka për të qenë në favorin tuaj. Keni për të qenë shumë romantikë, pasi keni zbuluar që partnerit tuaj i pëlqen më shumë kur jeni të tillë, sesa kur i impononi gjërat që duhet të bëjë. Ky është suksesi në çift: të gjeni gjithmonë mënyrën e duhur për t’u kuptuar.

Shigjetari
Sot, familja do të jetë në mendimet tuaja edhe pse nuk dini se si do të reagojnë, pasi ju të flisni me ta për një problem tuajin. Sidoqoftë, nga darka duhet të flisni hapur me ta dhe të jepni shpjegime.

Bricjapi
Nuk do të shqetësoheni shumë për problemet që keni, sepse ditën e sotme doni t’ia dedikoni vetëm argëtimit. Keni për të organizuar një mbrëmje të paharrueshme. Është pikërisht gjëja e duhur që keni menduar. Punët presin; merrni kohën e nevojshme për t’u qetësuar.

Ujori
Pasionet tuaja kanë për t’ju bërë që të humbni shumë kohë sot. Ju këshillojmë të qëndroni më afër dhe të shpenzoni më shumë kohë me familjarët, të cilët e ndjejnë mungesën tuaj. Për një ditë anashkalojeni punën e përditshme.

Peshqit
Edhe pse nuk jeni shumë të zotët të zgjidhni problemet tuaja sentimentale, sot keni për të bërë të pamundurën për të ndryshuar, aq sa edhe partneri juaj ka për t’u habitur shumë. Kishte ardhur momenti që t’i tregonit këto ndryshime.