Dashi
Sot një ditë shqetësuese dhe me grindje në çift. Ana financiare do të jetë thelbi i debatit. Secili prej jush duhet të mbajë përgjegjësinë e vet, sepse asnjeri nuk është treguar korrekt në lidhje me anën e financave. Kursejini shpenzimet për komoditete luksi, pasi nuk është momenti i duhur.
Demi
Në këtë periudhë ju kanë ngarkuar me një detyrë mjaft të rëndësishme dhe ju ende nuk e ndjeni veten gati për këto lloj përgjegjësish. Diskutoni me eprorët tuaj për një zgjidhje, në mënyrë që të mos ju ngelet e gjithë përgjegjësia.
Binjakët
Një ditë që do ju futë në mendime dhe do vini në dyshim çdo gjë që bëni. Gjithmonë puna e tjetrit, shtëpia, apo gjithçka tjetër që ka duket më e mirë se ajo që keni ju vetë. Dhe sot do të lodhni veten duke i parë gjërat në këndvështrime të ndryshme, por ato janë mjaft subjektive.
Gaforrja
Nëse jeni gati për të ecur përpara si nga ana profesionale, ashtu edhe ajo sentimentale, është momenti i duhur për të marrë iniciativa dhe për të bërë diçka ndryshe. Tashmë e keni kuptuar edhe ju vetë se ka ardhur momenti. Marrja e këshillave nga të afërmit do të ishte e rekomandueshme.
Luani
Shumë mundësi keni për të investuar për veten, por ju mungon vullneti dhe në qoftë se ju nuk investoni sot, do ta ndjeni veten në pozita tepër të vështira. Merrini për bazë edhe këshillat e të afërmve dhe shfrytëzoni mundësitë sa jeni në kohë.
Virgjëresha
Tashmë e keni fituar besimin e një pjese të kolegëve tuaj dhe ndjeheni më i sigurt për të ecur më tej. Keni një mbështetje mjaft të gjerë dhe nuk është pak. Ecni me projektet tuaja dhe konsultohuni herë pas here edhe me kolegët.
Peshorja
Nuk keni pse të mbani më shumë peshë dhe presion seç ju takon, kështu që çlodhuni dhe mundohuni të ndjeheni të qetë. Jo të gjitha gjërat janë në dorën tuaj. Në fund të fundit, kur afron momenti final, askush s’ka për t’ua ditur.
Akrepi
Nëse dikush do ju kërkonte ndihmë sot, do të ishte vërtet shumë keq nëse nuk i ofronit ndihmën tuaj. Askush s’e ka të lehtë, por keni mjaft gjëra në dorë sa nuk mund të rrini pa e ofruar ndihmën tuaj. I keni këto lloj mundësish.
Shigjetari
Do jeni të kënaqur sot me veten dhe me të tjerët, do bëni gjërat që ju pëlqejnë. Dhe nuk do e lodhni veten me dyshime të kota se çfarë është e drejtë dhe çfarë jo. Keni mbështetjen e shumë njerëzve dhe kjo do të thotë shumë për ju. Shfrytëzojini frytet e jetës.
Bricjapi
Dita sot do jetë shumë e mirë. Në disa momente do ju duket vetja sikur ia dolët në gjithçka. Do keni takime premtuese gjatë kësaj dite, të cilat ka shumë gjasa të shndërrohen në sukses për ju.
Ujori
Ditë shumë e paqëndrueshme kjo e sotme për të gjithë ata që janë në një lidhje. Asgjë nuk do ju realizohet sipas planeve. Në planin financiar do ju duhet shumë mund dhe sakrifica për të ruajtur një gjendje sa më të qëndrueshme.

Peshqit
Sot do jetë një ditë e qetë, ngrohtësia e familjes do ju japë shtysë të bisedoni me ta një çështje që ju mundonte prej kohësh. Jeni në rrugën e duhur, pasi familja jo vetëm që nuk do ju braktisë asnjëherë, por do ju japë këshilla mjaft të vlefshme, të cilat do i vini menjëherë në zbatim.