Armando Sadiku protagonist. Sulmuesi shqiptar ka realizuar gol në ndeshjen e La Liga 2 mes Cartagenas së tij dhe Eibar.
Fillimisht realizoi Rahmani për miqtë, ndërsa për vendasit “tundi rrjetën” Sadiku. Futbollisti kuqezi mori përsipër ekzekutimin e një penalltie, duke u treguar i saktë nga pika e bardhë.
Për Sadikun ky ishte goli i shtatë në 16 ndeshje me fanellën e Cartagenas. Në sezonet e kaluara, ai ka qenë pjesë e Las Palmas, Bolivar dhe Malaga.
(BalkanWeb)