Një ngjarje e përshtatshme me ato të filmave ka ndodhur në SHBA.
Sipas mediave të huaja, një i burgosur 26-vjeçar në Uashingotn është dënuar me 24 vite shtesë për vrasjen e shokut të tij të qelisë, i cili i kishte përdhunuar motrën.
Shane Goldsby, 26 vjeç, u deklarua fajtor për akuzat për vrasje të shkallës së dytë dhe u dënua javën e kaluar për rrahjen deri në vdekje të shokut të tij të qelisë Robert Munger, 70 vjeç. Ky i fundit ishte dënuar me 43 vite burg, për përdhunimin e fëmijëve dhe pornografi.
Goldysby e dinte me saktësi se 70-vjeçari ishte përdhunuesi i motrës, ai priti momentin e duhur dhe teksa ndodheshin në zonën e ajrimit, e goditi disa herë në kokë.
Munger vdiq tre ditë më vonë nga plagët e marra. Goldsby tha se ai vrau Munger pasi zbuloi se motra e tij e vogël, e cila është ende e mitur, ishte një nga viktimat e Munger, raportoi KHQ.
“Kisha kaq shumë gjëra që po ndodhnin në kokën time. Isha i bindur në atë pikë, sepse Munger donte të më jepte detaje për atë që ndodhi, atë që bëri”- deklaroi pas vrasjes 26-vjeçari.
(BalkanWeb)
