Vigjilenca e një zhytësi, i cili vuri re diçka metalike pranë bregut të Sardenjës, Itali, çoi në zbulimin e dhjetëra mijëra monedhave romake bronzi, njoftoi Ministria e Kulturës e Italisë.
Monedhat, të cilat datojnë në gjysmën e parë të shekullit të katërt, u gjetën në një vend me rërë, mes algave të detit, pranë bregut verilindor të ishullit.
Data e zbulimit nuk është bërë e ditur nga ministria.
Numri i monedhave të gjetura nuk dihet ende saktësisht, po ato vlerësohet të jetë të paktën 30,000 monedha dhe ndoshta 50,000.
Monedhat e gjetura quhen follis. Është një monedhë bakri e prezantuar rreth vitit 294 pas Krishtit, me reformën monetare të perandorit Dioklecian.
Të gjitha monedhat janë në gjendje të shkëlqyer. Edhe ato pak monedha që janë dëmtuar kanë ende mbishkrime të lexueshme, sipas ministrisë italiane.